A perspectiva de xénero na prevención de riscos laborais

Todo o que debes coñecer sobre esta formación

Isto é todo o que debes coñecer sobre o curso A perspectiva de xénero na prevención de riscos laborais:

Este curso, totalmente gratuíto, permitirá ás persoas participantes profundar en coñecementos teórico-prácticos sobre as seguintes materias:

• Riscos específicos vinculados ao xénero e deseño de medidas para evitalos con perspectiva de xénero
• Regulación normativa dos protocolos antiacoso nas empresas e institucións

Profesores

Dra. Amanda Moreno Solana

Doutora en Dereito. Profesora Permanente Laboral de Dereito do Traballo e da Seguridade Social da UNED

Laura Falcão

Avogada.
Licenciada en Dereito pola Facultade de Dereito da Universidade de Lisboa.
Xefa de gabinete parlamentario na Asemblea da República.
Xurista de Inspiring Girls Portugal.

Aprende ao teu propio ritmo

O curso combinará elementos e actividades síncronas e asíncronas co obxectivo de que a experiencia do alumnado sexa a máis satisfactoria posible, permitindo que as persoas participantes poidan aprender ao seu propio ritmo e horario e, ao mesmo tempo, teñan a oportunidade de intercambiar coñecementos e experiencias e interactuar entre elas.

O alumnado poderá acceder aos distintos contidos teóricos formativos e ás píldoras audiovisuais do curso durante todo o período de vixencia do mesmo

Que inclúe esta formación?

Prevención de riscos laborais e situacións vinculadas á maternidade.
Prevención de riscos laborais e xénero: accidentes de traballo e enfermidades profesionais con perspectiva de xénero
A identificación de riscos e o deseño de medidas de evitación destes
O entramado normativo respecto ás obrigas fronte ao acoso: Acoso laboral, acoso sexual e acoso por razón de sexo. O papel dos protocolos antiacoso nas empresas

Cal é a estrutura e o desenvolvemento desta formación?

O módulo ten unha duración total de 10 horas que se distribuirán da seguinte forma:

Sesións asíncronas: 5 → Exposición e desenvolvemento do contido teórico do módulo, que abranguerá a parte xeral da materia. En concreto, levaranse a cabo 6 pílulas audiovisuais de 50 minutos de duración (3 pílulas docente en portugués e 3 pílulas docente en español).
Sesións síncronas: 4 horas → Distribuídas en 2 sesións conxuntas de 2 horas cada unha, coa participación de ambas persoas docentes:
- 1.ª sesión en liña - 19/05/2026 (de 16:00 a 18:00 - hora peninsular española): Análise e resolución de casos prácticos vinculados á materia, co obxectivo de que o alumnado aplique os coñecementos adquiridos e consolide a comprensión dos contidos. A sesión estruturarase en dous bloques dunha hora cada un, correspondentes a un caso práctico por docente. Desenvolverase como sesión práctica guiada.
- 2.ª sesión en liña - 26/05/2026 (de 16:00 a 18:00 - hora peninsular española): Continuación do traballo práctico mediante o estudo e resolución de novos casos, mantendo a mesma estrutura metodolóxica (unha hora por caso e docente). A sesión terá igualmente carácter práctico e estará dirixida polo equipo docente.
Trabajo persoal do alumno: 1 hora → Estudo da materia, preparación e realización da proba de avaliación.

Duración de 10 horas

De 5 de Maio de 2026

Ata 5 de Xuño de 2026

Obxectivos desta formación

Proporcionar os coñecementos normativos necesarios para identificar os riscos asociados ao xénero no contexto da relación de traballo
Ofrecer formación sobre as medidas adecuadas de prevención con perspectiva de xénero e sobre os protocolos para a prevención do acoso sexual e do acoso por razón de sexo

A quen vai dirixido

O curso está dirixido a persoas interesadas en adquirir unha formación metodolóxica acreditada para desenvolver e impartir actividades formativas sobre igualdade de xénero no ámbito laboral ao público en xeral en diversos ámbitos, tanto na educación formal como na formación non formal en entidades, institucións e organizacións públicas ou privadas.

Cómpre sinalar que se recomenda que as persoas interesadas teñan experiencia previa na docencia de contidos e materias relacionadas coa igualdade.

Duración

Entre o 05/05/2026 e 05/06/2026

Para a súa realización dispoñerase das 24 horas do día, todos os días da semana.

Rexistro

O prazo de inscrición remata o 30 de abril de 2026.

Como obter o certificado de aproveitamento?

Os requisitos para obter o certificado de aproveitamento do curso formativo serán:

Visualizar as pílulas formativas asíncronas.
Responder satisfactoriamente, polo menos, ao 70% das cuestións expostas nun dos dous test de avaliación que figura no módulo teórico.
Asistir e participar activamente nunha das sesións en liña destinadas ao estudo e resolución de casos prácticos.

⇒ 10 horas

⇒ Dispoñible no teu móbil

⇒ Idioma: Idioma: castelán e portugués

⇒ Certificado de aproveitamento ao completar o curso