Conciliación corresponsable da vida familiar e laboral

Todo o que debes coñecer sobre esta formación

Isto é todo o que debes coñecer sobre o curso Conciliación corresponsable da vida familiar e laboral

Este curso, totalmente gratuíto, permitirá ás persoas participantes profundar en coñecementos teórico-prácticos sobre as seguintes materias:

Concepto e regulación de corresponsabilidade e conciliación
Ferramentas pedagóxicas para a ensinanza da corresponsabilidade en todos os ámbitos e en sectores específicos
Medidas e garantías normativas para implementar a corresponsabilidade nas relacións laborais

Profesores

Dra. Emma Rodríguez Rodríguez

Doutora en Dereito Profesora Titular (acreditada a Catedrática) da Universidade de Vigo

Dra. Rosa María Rodríguez Martín-Retortillo

Doutora en Dereito Profesora Titular de Dereito do Traballo e da Seguridade Social da Universidade de Vigo

Márcia Cristina Matos da Cunha Amorim

Doutoranda en Creatividade e Innovación Social e Sostible. Formación en Igualdade de Xénero. Diversos cursos de formación en conciliación da vida laboral, persoal e familiar, entre eles o de NP4552.

Jorge Manuel Cerqueira Nande

Avogado e mediador familiar

Aprende ao teu propio ritmo

O curso combinará elementos e actividades síncronas e asíncronas co obxectivo de que a experiencia do alumnado sexa a máis satisfactoria posible, permitindo que as persoas participantes poidan aprender ao seu propio ritmo e horario e, ao mesmo tempo, teñan a oportunidade de intercambiar coñecementos e experiencias e interactuar entre elas.

O alumnado poderá acceder aos distintos contidos teóricos formativos e ás píldoras audiovisuais do curso durante todo o período de vixencia do mesmo

Que inclúe esta formación?

Parte xeral:

Conceptos básicos de corresponsabilidade e conciliación: Diferencias entre conciliación e corresponsabilidade; impacto na igualdade de xénero
Normativa laboral e educativa en corresponsabilidade: Dereitos e deberes de empresas, traballadores/as e Administracións Públicas
O papel do sistema educativo na transformación cultural: Como incluír a corresponsabilidade na formación de futuros/as profesionais
Ferramentas pedagóxicas para a ensinanza da corresponsabilidade: Casos prácticos, recursos e metodoloxías activas
Corresponsabilidade en sectores profesionais específicos: Análise de desigualdades e estratexias para promovela en diferentes ámbitos laborais

Parte específica:

A redución de xornada por motivos familiares
→ Marco legal, motivos que a xustifican, dereitos da persoa traballadora e do empregador, procedemento para solicitala
→ Impacto no salario e beneficios laborais
→ Protección do traballador e posibles conflitos
→ Garantías fronte ao despedimento e dereito de reincorporación á xornada completa
→ Resolucións dos tribunais e casos relevantes
A adaptación da xornada por motivos familiares
→ Marco legal, diferenzas coa redución de xornada, dereitos da persoa traballadora e do empregador
→ Motivos que xustifican a adaptación de xornada
→ Tipos de adaptacións posibles: cambios na distribución do horario, modificación de turnos, teletraballo
→ Outras medidas de flexibilidade horaria: horario flexible, bolsas de horas, etc.
A suspensión do contrato de traballo por nacemento e coidado de menor
→ Marco legal
→ Diferenzas entre a suspensión por nacemento e por risco durante o embarazo/lactación
→ A protección durante a lactación
A excedencia por motivos familiares
→ Marco legal
→ Duración

Cal é a estrutura e o desenvolvemento desta formación?

O módulo ten unha duración total de 17 horas que se distribuirán da seguinte forma:

Sesiones asíncronas: 10 horas → Exposición y desarrollo del contenido teórico del módulo, que abarcará la parte general de la materia y los aspectos teóricos de la parte específica. En concreto levaranse a cabo 10 pílulas audiovisuais de 1 hora de duración (5 pílulas docente portugués e 5 pílulas docente español).
Sesións síncronas: 6 horas → distribuídas en 2 sesións conxuntas de 3 horas cada unha, coa participación das 3 persoas docentes:
- 1ª sesión en liña (3 horas) 08/06 ás 17:00 (Horario España) - orientada a realizar unha comparativa entre ambos marcos normativos. Un aspecto que consideramos fundamental para garantir que o alumnado comprenda as diferenzas e similitudes entre os sistemas xurídico-normativos e poida aplicalas correctamente nos casos prácticos.
- 2ª sesión en liña (3 horas) 22/06 ás 17:00 (Horario España) - destinada á resolución de casos prácticos, permitindo ao alumnado poñer en práctica os coñecementos adquiridos e reforzar a comprensión dos contidos (1 hora por caso práctico e docente). Tratarase dunha sesión práctica guiada polo persoal docente.
Trabajo persoal do alumno: 1 hora → Estudo da materia, preparación e realización da proba de avaliación.

Duración de 17 horas

De 1 de Xuño de 2026

Ata 10 de Xullo de 2026

Obxectivos desta formación

Proporcionar ferramentas metodolóxicas e pedagóxicas para a implantación da corresponsabilidade en calquera ámbito
Ofrecer formación para concienciar á cidadanía en xeral e a integrantes de institucións, empresas e outros grupos sociais sobre o impacto da corresponsabilidade na igualdade de xénero laboral

A quen vai dirixido

O curso está dirixido a persoas interesadas en adquirir unha formación metodolóxica acreditada para desenvolver e impartir actividades formativas sobre igualdade de xénero no ámbito laboral ao público en xeral en diversos ámbitos, tanto na educación formal como na formación non formal en entidades, institucións e organizacións públicas ou privadas.

Cómpre sinalar que se recomenda que as persoas interesadas teñan experiencia previa na docencia de contidos e materias relacionadas coa igualdade.

Duración

Entre o 01/06/2026 e o 10/07/2026

Para a súa realización dispoñerase das 24 horas do día, todos os días da semana.

Rexistro

O prazo de inscrición remata o 29 de maio de 2026.

Como obter o certificado de aproveitamento?

Os requisitos para obter o certificado de aproveitamento do curso formativo serán:

Responder satisfactoriamente, polo menos, ao 70% das cuestións expostas nun dos dous test de avaliación que figura no módulo teórico.
Asistir e participar activamente na sesión en liña destinada ao estudo e resolución de casos prácticos (2ª sesión en liña).

⇒ 17 horas

⇒ Dispoñible no teu móbil

⇒ Idioma: Idioma: castelán e portugués

⇒ Certificado de aproveitamento ao completar o curso