O dereito á igualdade de trato e non discriminación das persoas traballadoras

Todo o que debes coñecer sobre esta formación

Isto é todo o que debes coñecer sobre o curso O dereito á igualdade de trato e non discriminación das persoas traballadoras:

Este curso, totalmente gratuíto, permitirá ás persoas participantes profundar en coñecementos teórico-prácticos sobre as seguintes materias:

Evolución social e normativa dos conceptos de igualdade e discriminación na historia recente
Tipos e manifestacións da discriminación entre mulleres e homes no ámbito laboral
Igualdade de trato e de oportunidades entre mulleres e homes no emprego, e medidas para facela efectiva
Ferramentas para integrar a perspectiva de xénero na ensinanza en todos os ámbitos

Profesores

Dr. José Fernando Lousada Arochena

Licenciado en Dereito pola Universidade de Santiago de Compostela (1981-1986). Graduado Social pola Escola Social de Santiago de Compostela (1982-1985). Diplomado en Práctica Xurídica pola Universidade de Santiago de Compostela (1985-1986). Diploma de Estudos Avanzados en Dereito pola Universidade da Coruña (2008-2010). Doutor en Dereito con Premio Extraordinario pola tese “O principio de igualdade de mulleres e homes: en especial, no Dereito do Traballo e a Seguridade Social”, Universidade da Coruña (2010-2014); máxima nota sobresaliente cum laude; Premio Extraordinario Doutorado Curso 2013-2014
Maxistrado Especialista da Orde Social do Tribunal Superior de Xustiza de Galicia

Aprende ao teu propio ritmo

O curso combinará elementos e actividades síncronas e asíncronas co obxectivo de que a experiencia do alumnado sexa a máis satisfactoria posible, permitindo que as persoas participantes poidan aprender ao seu propio ritmo e horario e, ao mesmo tempo, teñan a oportunidade de intercambiar coñecementos e experiencias e interactuar entre elas.

O alumnado poderá acceder aos distintos contidos teóricos formativos e ás píldoras audiovisuais do curso durante todo o período de vixencia do mesmo

Que inclúe esta formación?

Da exclusión das mulleres (século XIX) á perspectiva de xénero (século XXI): o principio de igualdade no constitucionalismo decimonónico; a aparición histórica do movemento feminista moderno; da igualdade formal na lei á prohibición da discriminación na sociedade; o Convenio sobre a eliminación de todas as formas de discriminación contra a muller (1979); a teoría feminista do Dereito; da Declaración de Beijing (1995) á igualdade de xénero na Axenda 2030. A interseccionalidade. Recapitulación: o concepto moderno de discriminación por razón de sexo / xénero
O dereito á igualdade efectiva de mulleres e homes: a igualdade de trato: discriminación sexista directa e indirecta; cláusulas de boa fe; acoso sexual; acoso por razón de sexo; chantaxe sexual e acoso ambiental; extensións subxectivas da discriminación: discriminación por asociación, codiscriminación, represalias e discriminación por erro; discriminación múltiple e interseccional.
A igualdade de oportunidades: medidas de acción positiva e medidas de presenza equilibrada. Las medidas de igualdad de oportunidades. Cláusulas de tutela xudicial efectiva da igualdade de xénero
Integración da perspectiva de xénero na educación: Que é a perspectiva de xénero? Por que é importante na educación? Ferramentas: análise de publicidade e medios de comunicación; debate sobre roles e estereotipos de xénero; xogos de rol; análise de textos literarios ou contos desde unha perspectiva de xénero; campañas de concienciación

Cal é a estrutura e o desenvolvemento desta formación?

O módulo ten unha duración total de 9 horas que se distribuirán da seguinte forma:

Sesións asíncronas: 7 horas - Presentación e desenvolvemento dos contidos teóricos do módulo.
Sesión de titoría en grupo en liña 25/05/26 (de 17:00 a 18:00 - hora peninsular española): 1 hora - Repaso dos contidos impartidos e resolución de dúbidas do alumnado.
Traballo persoal do estudante: 1 hora - Estudo da materia, e preparación e realización da proba de avaliación.

Duración de 9 horas

De 4 de Maio de 2026

Ata 5 de Xuño de 2026

Obxectivos desta formación

Proporcionar ferramentas metodolóxicas e pedagóxicas para a integración da perspectiva de xénero interseccional na ensinanza, así como en empresas e outros grupos sociais e na actividade profesional da cidadanía en xeral
Ofrecer formación para programar, elaborar e impartir actividades formativas dirixidas a promover a igualdade efectiva de trato e de oportunidades de mulleres e homes no emprego en todos os ámbitos

A quen vai dirixido

O curso está dirixido a persoas interesadas en adquirir unha formación metodolóxica acreditada para desenvolver e impartir actividades formativas sobre igualdade de xénero no ámbito laboral ao público en xeral en diversos ámbitos, tanto na educación formal como na formación non formal en entidades, institucións e organizacións públicas ou privadas.

Cómpre sinalar que se recomenda que as persoas interesadas teñan experiencia previa na docencia de contidos e materias relacionadas coa igualdade.

Duración

Entre o 04/05/2026 e o 05/06/2026

Para a súa realización dispoñerase das 24 horas do día, todos os días da semana.

Rexistro

O prazo de inscrición remata o 29 de abril de 2026.

Como obter o certificado de aproveitamento?

Os requisitos para obter o certificado de aproveitamento do curso formativo serán:

Responder satisfactoriamente, polo menos, ao 70% das cuestións expostas nun dos dous test de avaliación que figura no módulo teórico.
Visualizar as pílulas formativas asíncronas.

⇒ 9 horas

⇒ Dispoñible no teu móbil

⇒ Idioma: Idioma: castelán e portugués

⇒ Certificado de aproveitamento ao completar o curso